試騎牛牛　何基佑單拖湊仔遊荷蘭冇難度

即將開拍《超級奶爸3》的監製兼主持何基佑，早前與兒子清義去荷蘭工作及旅遊，參觀當地農場，他說：「聽到荷蘭，大家會聯想到乳牛、風車、農莊，今次同囝囝其中一個重點就係參觀農場，睇吓奶農平時點樣照顧牛隻，我發現原來做荷蘭乳牛幾幸福，好食好住，牛棚道門係開住，佢哋鍾意可以走出去草原曬太陽，乳脹嘅時候又會自動走入牛棚，有機械人幫佢揸牛奶。奶農好Nice，畀囝囝試騎牛牛。」

基佑首次一個人帶囝囝遠遊，幸兒子非常乖巧，總算過關：「一腳踢湊足全程，都幾有難度，體力消耗非常大，而我對佢亦比較嚴，唔想坐十幾個鐘頭飛機畀佢不停睇戲，所以佢只係睇咗兩個鐘，其他時間都係自己玩，或者同佢傾吓偈，佢都好乖好配合。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。