盛品儒公司被偷文件損失3千萬

20190919
東網電視
更多新聞短片
盛品儒承認損失所有投資。
前亞視高層盛品儒(James)突然在社交平台發文,寫上兩名人士的個人資料,兩人分別姓黃及姓陳,名字及資料有部份隱藏,而發文上並列出一個警方報案資料。發文一出,惹來不少友人關心,James說:「此兩人以前是我的管理層,偷了我所有公司文件及軟件的源代碼,報了警。」老婆蔡一鳳亦有按讚示支持。
James之後回覆東網,承認損失所有投資:「我投資嘅遊戲軟件公司畀人偷晒所有文件,同埋平台嘅源代碼,報咗警,佢哋都有搵律師,但係因為唔涉及公眾損失,係口同鼻拗,文件畀人偷晒,只能夠不了了之。(損失幾多?)公司開咗三、四年,冇晒投資嗰3千萬,由頭嚟過,嬲到爆!(期間有冇賺過錢?)梗係冇。(好Hurt?)最Hurt係我培育佢哋,遊戲圈成日發生呢啲事,不過偷文件真係好離譜,要攞番好麻煩。(信錯人?)梗係信錯人。」James一向熱愛科網,面對挫折並沒有被打沉,他透露現時除了做遊戲軟件外,亦有做其他如社交及付款等不同軟件,話畢稱正要飛北京開會。