狄美摩亞自傳爆曾與前夫3P　成偷食藉口

56歲荷里活女星狄美摩亞（Demi Moore）即將推出自傳《Inside Out》，其中大爆她曾與男星前夫艾斯頓古查（Ashton Kutcher）玩三人性愛，不過之後卻非常後悔，認為是一個錯誤！

當時狄美與細她15年的艾斯頓仍未離婚，她為滿足艾斯頓要求，讓另一女子加入性愛：「我只係想展示畀艾斯頓睇，我有幾開明同玩得。」但於2010年，狄美從報道得悉，艾斯頓與狄美女兒Rumer打保齡球時，認識一名21歲後生女，趁狄美拍戲不在家，帶該名女子回家偷食。

狄美嬲到震，質問艾斯頓，但對方卻以曾經3P為藉口：「因為我哋曾經帶第三方入我哋關係，艾斯頓話咁樣令到條界線模糊咗，合理化咗佢行為。佢只係想推卸責任。」狄美於翌年受夠艾斯頓多次偷食，忍痛與他分手。