陳健安為踢波唔溝女

歌手陳健安（on仔）與樂壇新人陳蕾和莊正出席校園活動，on仔讀書時是香港足球青年軍，現場示範控球，稱對波軟硬有要求，控球要揀軟身波，今次更有難度，因為未試過着布鞋控球，他說中三時試過控球最高紀錄是45分鐘內控球2千次，問到不花多些時間追女仔？他說：「我大半生都放喺足球，大部份時間都係踢足球，其他放埋一邊。」

提到其首張個人專輯《本原》，他感激家人支持：「媽咪幫手伏CD舖，話賣晒，屋企好支持我。」他自爆早前出席一個公司活動，獻唱其中一首新歌《重生》時，唱到喊，他說：「因為作呢首歌時，面對未來好多憂慮，又諗起之前睇過本小說《解憂雜貨店》，可能做緊嗰樣嘢，到死都冇結果，我覺得要抱有希望，唔可以失去希望。啲人話我喺細活動都唱到崩潰應該係第一個。」

---------------

立即參加「賞您睇」： https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。