實現阿媽生日願望!李彩華提前造人大計

2019年09月21日 00:01
東網電視
更多新聞短片
老公Eric現身捧場,令李彩華既開心又感動!
藝人李彩華(Rain)與李國祥主演的舞台劇《恆河經變》前晚首場公演。今年公布婚訊下嫁內地商人Eric的她,表示丈夫事前表明因有工作在身,難以抽空到場欣賞,令她有點失望。誰知,前晚演出時丈夫突然驚喜現身,還帶同Rain的媽媽結伴前來做座上客欣賞演出,令她既開心又感動。適逢昨日是Rain的母親生日,完成首場演出後,Rain與弟弟一家人及親友為母親舉行生日會,生日會上眾人為壽星媽送上祝福。問到Rain媽的生日願望時,她竟然在眾人前表示恨抱孫,由於事出突然令Rain不及反應,全程以笑代答。
希臘旅行積極生B
Rain冧讚老公相當細心,完成演出後便會與她到希臘旅行,同時為了達成母親抱孫的心願,不排除在當地積極造人,她說:「去希臘Santonrini係我自小嘅夢想,原來老公事前秘密安排咗喺我完成個騷後,就一齊出發旅行,我知道嗰刻真係好感動。(積極造人圓母願?)其實生B計劃一直預計下年開始,不過既然今次有機會去希臘一趟,就索性喺當地開始進行計劃,我諗喺一個咁浪漫地方行事,可能命中率會高啲!」
親自設計印度Henna
對於首場演出贏得全場掌聲,Rain表示相當感動,她說:「因為成個團隊用咗好多心機去綵排,首場演出好成功,大家都打咗支強心針,之後會繼續愈做愈好。」此外,為了其中一個印度窮家女的角色,Rain更親設計了一個印度Henna(指甲花彩繪)圖案繪在手上,加強演出效果。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。