山聰背Alex攬女　《金宵》李施嬅原來去咗…

無綫熱播劇《金宵大廈》大受追捧，最近呢兩集講到「Alex」李施嬅同「阿蕭」陳山聰失聯，唔少觀眾都好緊張劇情，追問究竟Alex去咗邊？

原來佢去咗上海呀…不過係喺現實中啫！未知Alex係咪上咗失蹤嘅航班，但施嬅就真係搭咗飛機去工作，佢喺社交網上載美食照同工作照，不過佢都好關心Alex行蹤：「啊（阿）蕭，靚寶　今集我消失了　我是真的想回來　但是沒辦法回來　你們會等我嗎？」網民都留言話好想佢快啲返嚟呀！

而尋晚山聰就喺Instagram開Live同大家傾吓偈，佢好多謝大家嘅支持，仲透露Alex下個星期會出現番添！而即將喺10月初生日嘅佢，竟然背Alex攬女，唔通佢唔記得咗「流星雨的約會」？其實係佢姨甥女芯芯，同佢提早慶祝啫～觀眾都好心急想知佢同Alex嘅發展呀！

--------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。