《流行經典》有番觀眾！鄭俊弘：好玩啲

無綫節目《流行經典50年》自8月開始錄影時未有招待觀眾，直至今晚錄影恢復接待現場觀眾。身為主持之一的鄭俊弘說：「冇觀眾好似冇乜氣氛同交流咁，真係似錄影多個做騷，依家好玩啲。」他又指刻下擔任主持比剛接任時輕鬆，自己亦放下緊張，不過他說：「依家有信心做主持都只限於音樂節目，其他節目要Free Fright嘅話，我冇乜信心。」

胡楓則表示再次接招觀眾是好事：「係開心嘅，但有冇現場觀眾我都做得開心。」節目監製賴偉棠回覆東網查詢說：「8月社會同市面交通等情況較混亂，依家穩定啲，所以接待番觀眾。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。