激動到尖叫 J.Arie車牌考足11年終於Pass

20190922
東網電視
更多新聞短片
大家出街記得睇車!
藝人雷深如(J.Arie)由18歲開始已經學車,過咗11年終於成功Pass,呢日成功考到車牌,佢喺社交網大晒多張拎住試卷嘅自拍照,表現相當激動,佢發文表示:「香港嘅交通安全以後靠我啦,6年內,考咗3次路試,18歲已經考咗筆試,正式嚟講搞咗11年:終於考到車啦救命。知道合格嗰一刻,由考試reception尖叫大嗌到跑出去搵教車師傅Jason,再原地跳甩頭咗10秒。」佢又多謝學車師傅嘅悉心教導,並笑言:「我都考到,呢個世界都真係冇乜人會考唔到囉!以後我去邊區話定畀大家知呀吓,等你哋可以,撞吓我。」
J.Arie接受東網訪問,透露18歲筆試成功後,冇立刻學車,佢話:「自己比較細膽,的唔起心肝去學。入行時覺得真係要去學車,當時考泊位都pass咗,但路試考咗兩次都唔成功。」又指自己初頭認為揸棍波車好有型,所以初時都係學棍波,佢話:「自己上咗兩堂後,每次架車都死火十幾廿次,最尾都係揀番自動波!」
J.Arie仲自爆有陰影:「之前試過坐的士畀一架電單車撞過嚟,之後又試過坐朋友車時又突然打過『白鴿轉』,chok親條頸同整到個眉位置。」講到工作,佢同舊公司已完約,依家簽咗邵氏。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。