賈曉晨生日被搶鏡 樊少皇失策毀囡囡形象

2019年09月22日 17:32
東網電視
更多新聞短片
老竇,乜你咁唔小心㗎!
藝人賈曉晨(JJ)前日(20日)37歲生日,除咗老公樊少皇及囡囡「小飯兜」外,仲有大批劇組同事、圈中好友及親人輪住為佢慶祝,人緣相當好!佢喺社交網大晒多張慶生靚相,並留言:「謝謝劇組、朋友們、親人們、老公、女兒給我的驚喜!愛你們!當然還有這些年陪我長大的粉絲們,不離不棄幫我成長!謝謝你們愛你們。」
喺佢為新戲開工時,拍檔李璨琛及林家棟等送上蛋糕,認真有心思。而親友亦為佢大搞生日飯局,好友陳浩民及太太蔣麗莎都有出席,場面熱鬧。雖然JJ係壽星女,但大合照時就畀可愛嘅「小飯兜」搶晒鏡,不過其中一張相見樊少皇抱住囡囡時「失手」,令「小飯兜」不慎露出尿片,真係失策,毀晒囡囡形象喇!
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。