兩公婆拍住上!麥潔文讚江華卜卜「脆」

20190922
東網電視
更多新聞短片
真係好恩愛呀!
歌手麥潔文(Kitman)為10月麥花臣演唱會綵排,擔任嘉賓的老公江華亦一同綵排,兩人恩愛合唱《Miracle》,但江華抵死笑老婆唔記得歌詞,又叫她影相時收腰。受訪時江華表示兩人成日在屋企鬥嘴,Kitman笑言:「佢好風趣,卜卜脆個脆。」江華又解釋剛才影相是叫自己收腰,Kitman即謂:「講口才真係唔夠佢嚟,我講嘢唔叻。(演唱會係咪會鬥嘴?)如果佢係咁就唔畀佢出場,哈哈。」江華即踢爆是Kitman邀請他做嘉賓。
問到Kitman可還用減肥?江華即表示:「算啦。」Kitman即表示:「佢話算啦,即係減都冇用。」江華即解釋:「係心痛佢減肥,所以先叫佢算啦,唔好再減,佢依家120幾磅,已經係好似識佢嗰陣嘅身材,驚佢太索,我愈嚟愈冇自信。」Kitman即自嘲冇人吼,問到江華有冇女吼?江華即口快快謂:「我大……鑊,今次大鑊啦,梗係冇啦。」問到演唱會可會爆料?江華即笑言:「如果我喺度一定唔夠佢嚟,但如果喺台度一定要令佢冇還手之力。」
講到忘記歌詞,Kitman表示因爲這首歌很少唱,今次演出是第三次現場唱這首歌。他們又謂到時會合唱兩首歌,江華歡迎大家點唱其他歌,Kitman即踢爆他恨做歌手,江華即笑言:「咪玩啦,呢個時候先嚟恨做,係都30年前啦,不過唱歌係開心過拍戲嘅。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。