陪伴抗癌路　林淑敏愛犬離世：永遠在心中

喺處境劇《愛．回家之開心速遞》中飾演「大小姐」一角人氣急升的林淑敏（Mandy），呢日佢喺社交網貼出愛犬「草草」的照片，並表示牠已離逝的消息：「多謝你15年多的陪伴，從你身上我學到蠢一點反而着數多，因為單純的性格最開心。拜拜啦！你永遠在我心裏，也會一直住在家裏。」

2010年Mandy不幸確診第二期乳癌，期間家中寵物成為精神寄託，草草就係其中之一，每次接受治療後回家有寵物陪伴開解，最終Mandy抗癌成功，屋企嘅寵物可以話係一大功臣。喺2016年，另一隻愛犬Popeye已早一步離開。

唔少網民留言為「大小姐」打氣，當中包括同劇演員「送水輝」許家傑同「細龍太」陳偉琪，仲有出名係愛犬之人嘅姚子羚。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。