老婆同「情人」交鋒　單立文被迫二揀一

處境劇《愛．回家之開心速遞》中，「熊樹仁」單立文及「David」湯盈盈呢一Pair情侶檔非常深入民心，而現實中單立文同老婆胡蓓蔚又非常恩愛，唔少網民都想見到佢哋三個同場，睇吓單立文究竟會揀邊個，而呢日終於夢想成真啦！單立文喺社交網上載三人合照，相中見佢夾喺兩位女士中間表現無奈，佢仲留言笑指：「我老婆終於同David碰面，兩個人逼我2揀一，情況非常危急，最後我竟然......」而胡蓓蔚亦即留言回覆：「諗清楚先答！」相當搞笑。

其實佢哋呢晚係齊齊出席慈善晚宴，其他《愛．回家》成員包括周嘉洛、滕麗名、呂慧儀、馬貫東都有現身，認真熱鬧。

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。