《愛回家》帶挈　「鐵面陳」王致狄登台搵銀

藝人王致狄（Andy）憑處境劇《愛‧回家之開心速遞》「鐵面陳」一角人氣急升，最近更有機會孖住藝人陳建文、劉天龍等好友到澳門登台演出，實行兄弟班拍住上搵真銀，Andy表示：「平時都有登台，今次唱嘅《非走不可》亦係自己好熟嘅歌，所以都唔會太緊張。最開心係可以同一班兄弟一齊演出，仲合唱《友情歲月》，個感覺都幾特別。」

此外，日前《愛‧回家》播出嘅一集中，由「鐵面陳」及「葉碧嘉」沈可欣組成嘅「鐵碧CP」正式決裂，引起網民熱議，不過Andy笑言最難忘嘅竟然係另一場同「王朝」莫家淦（Keith）嘅場口：「因為嗰場戲講我哋要着住保護衣處理包裹，仲要走嚟走去，真係熱到出晒汗，但出嚟嘅效果都好滿意。」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。