蔣嘉瑩開騷前肺炎留院　蘇慧恩頂上

歌手蔣嘉瑩原定今晚（23日）與師妹施匡翹齊舉行《蔣嘉瑩與施匡翹的音樂約會Part 2》，可是凌晨時分，蔣嘉瑩身體不適，在家人陪同下到醫院睇急症，經醫生檢查後，證實患上肺炎需留院接受治療，因此音樂會由公司旗下另一位女歌手蘇慧恩（Ophelia）頂替和施匡翹演出。

蔣嘉瑩最近一邊上班，一邊忙於與新人施匡翹宣傳合唱新歌《假如真的再有約會》，終於積勞成疾病倒入院。臻世娛樂發言人劉麗萍（Apple）表示：「已通知主辦單位及場地，十分多謝大家體諒，如為大家帶來不便，深表歉意，並祝福蔣嘉瑩早日康復，好好專心休息，我哋好多謝蘇慧恩捱義氣頂上。」而正在醫院留醫的蔣嘉瑩躺在病床一面咳一面氣若游絲向大家道歉：「對唔住呀咁多位，辛苦晒大家，我會盡快出院，你哋23號晚加油呀！」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。