結婚唔依傳統 陳山聰一個場地搞掂晒

20190924
東網電視
更多新聞短片
山聰結婚一切從簡。
藝人陳山聰到電台宣傳新劇《金宵大廈》,開心劇集播出一星期外界反應正評:「好似打咗支強心針,多謝監製大膽用我做男主角,套劇未出街前有少少擔心,公司肯唔肯喺黃金時段出街,但可能因為之前《十二傳說》好成績,所以公司肯試下,反正陳山聰唔得嘅咪跌番落去,我又唔係收視保證,所以唔得係應該,呢個又係第一部男主角,唔得就做番其他角色,所以抱住勇字行頭嘅心態,都好多謝大家鍾意。」
講到又要宣傳新劇,又要拍攝新劇《大步走》,豈不是沒有時間籌備婚禮?他說:「其實好簡單,冇儀式,冇出門,淨係喺酒店簽字同食飯,要準備嘅嘢都安排好晒,其他嘢就交畀太太安排。」他又透露下月中會到雲頂登台舉行首個個人演唱會:「一個鐘會唱十幾首歌,都會早啲去同band綵排。」
他又笑言會唱番當年自己的歌《ABCD》:「以前我好抗拒唱呢首歌,不過呢兩年開竅諗通咗想唱,冇以前咁避忌,同埋都會唱27年前參加模仿四大天王比賽唱嘅《長夜多浪漫》。」問到婚後可會有時間度蜜月?他說:「其實每次拍完劇都會去旅行,但今次未plan幾時,因為未知啲工作點,所以希望年尾或出年年頭去。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。