李麗珊北海道賞花　孖阿妹變吃貨喪食

藝人李麗珊（Lisa）早前去北海道旅行叉叉電，疊埋心水諗住去親親花海嘅Lisa，點知去到得花苗，同喺網上面睇到嘅花海相貨不對辦，惟有發揮「阿Q」精神，想辦法自製花海︰「試過高抄、將部電話攝喺啲花入面，借吓位睇吓影唔影到好多花嘅效果。」認真爆笑！Lisa又話喺呢個旅程有意外驚喜︰「咁啱細妹都去咗北海道玩，竟然撞到佢，真係好有緣！之後就一齊去玩、食海鮮，兩個變咗吃貨喪食，好開心！去到啲超級市場見到啲蜜瓜就已經想買嚟食，但諗住忍口去到農場先買，感覺好似再新鮮啲，果然冇令我失望，好甜、好Juicy！佢哋啲蜜瓜都有分好多個等級，相對喺香港買真係平好多，仲超級好食，所以都買咗幾個返香港慢慢食，雖然好重，但值得！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。