老友單身35年點算好？鍾舒漫做紅娘打救

「其實自己一個更開心...」歌就咁唱啫，但如果單身咗35年，真係開心到咩？睇吓藝人鍾舒漫點樣《拆彈》，幫幫呢位讀者先！

網友David：「我有個朋友話自己35歲都仲未拍過拖，依家識咗個女仔，仲已經約咗對方食飯，不過呢個朋友話唔敢自己赴約，佢叫我陪我佢一齊去食飯，我應唔應該去？去到又會點？」

鍾舒漫就話：「其實有兩個步驟嘅，佢應該先問個女仔，介唔介意有朋友一齊出嚟先，如果對方唔介意，我會陪佢去，但就坐喺隔籬張枱，睇吓佢表現係點，有唔啱就用WhatsApp提醒吓佢，等氣氛唔好咁尷尬。其實我遇過類似情形，自己介紹過男仔畀女朋友識，起初都有陪佢哋出嚟，去到咁上下覺得佢哋啱傾，就放膽叫佢哋自己約喇，最終成功咗仲結埋婚添。」

--------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。