鄭世豪同太太一齊慶生有好處：互相抵銷送禮

歌手鄭世豪到荃灣大會堂出席懷舊金曲音樂會，坦言多得《愛．回家之開心速遞》「細龍生」一角入屋，多謝大家愛戴，多了演出工作。講到日前與太太一同慶祝生日：「收到大家好多祝福，其實我同太太係相差一日生日，佢9月13日，我9月14日，所以好多人祝我哋一生一世，今年生日都好開心，因為有劇中『媽媽』（蘇恩磁）、『細龍太』（陳偉琪）同我哋一齊慶祝，所以好難忘，一齊拍劇兩年幾，已經好似一家人咁！」

他又笑言與太太相差一日生日的好處是可以互相抵銷送禮：「我哋事前會互相打聽下，睇下對方會唔會送，其實都係因為大家懶，不過我哋無時無刻都會互送禮物，唔一定咩特別日子先送，有時出街見到對方鍾意，就會靜靜雞買咗，然後送畀對方，會準備小心意畀對方。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。