朱晨麗呢?何廣沛扁嘴冇人幫佢做人工呼吸

20190928
東網電視
更多新聞短片
識玩!!
藝人何廣沛出席心肺復甦活動,透露自己識心肺復甦,因15歲移民到美國讀高中時有學,是必修課程,問到可是幫女同學做人工呼吸?他笑言:「幻想係,但實際係同假人,要搓佢同同佢接吻,當時要考試,所以要記熟啲步驟,不過因為當時係啱啱去美國,所以英文上堂都比較吃力。(現實中有冇幫過人做人工呼吸?)暫時未幫過人。」講到緋聞女友朱晨麗之前拍劇暈倒,問到可有幫對方人工呼吸?他笑言:「佢暈我唔喺佢身邊,我夠暈啦,都冇人幫我做。」
他亦謂之前拍劇可以把急救知識學以致用:「有啲場口要模仿心肺復甦,因為其實唔可以真做,真人係承受唔到,因為肋骨會斷。」問到可覺學生要學吓心肺復甦?他表示:「幾好,唔係壞事,美國都係必修課程,可以提高急救知識,當嗰個人喺鬼門關時,可以幫到人,係件好事。」
另外,提到無綫取消台慶亮燈及節目巡禮,他表示:「有聽聞過,但詳情唔清楚,呢啲網上流傳,唔肯定係咪真,公司嚟緊都有好多劇集,如果真係冇嘅話可以保持神秘感,可以期待吓。(公司有冇mark你期?)冇,冇收到公司安排。(會唔會好似之前有啲節目咁唔畀觀眾入場?)唔清楚,公司未有進一步指示。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。