自爆主動出擊!譚凱琪利用陸永性交轉運

20190928
東網電視
更多新聞短片
譚凱琪借陸永性交轉運咁爆?!
藝人譚凱琪在熱播懸疑劇《金宵大廈》中飾演無知的會計師,更借「金丁」陸永性交轉運,劇情荒誕,她笑說:「今次題材幾大膽,以前睇報紙見到性交轉運,心諗咁都有人信?點知依家自己拍番。」劇中譚凱琪與陸永免不了親熱戲,她笑說:「最初接到角色,都有問監製尺度去到邊,咁電視尺度都有限嘅,有啲大膽嘅劇情,都係用對白去交代。搵得陸永拍都知係搞笑,成件事都變得輕鬆咗,幾好玩、幾有話題性,好多人都話想睇呢個單元。」
唔使同男友備案
譚凱琪坦言以前拍攝親熱戲會感到相當尷尬,但現時已經習慣,會豁出去代入角色,更不用向男友備案:「以前要備案,依家就唔使特別講,但係播嘅時候都會講聲,佢都接受咗呢啲係我嘅工作,咁樣唔使畀大家壓力,有牽掛做嘢就唔係咁好。」譚凱琪指與陸永拍攝親熱戲時會先溝通,更會採取主動,因男士遇到這些戲會比較避忌,又爆陸永相當尊重太太,拍攝前主動備案。
偷師訓練轉數
除了在劇中求陸永性交轉運,譚凱琪表示合作時也向對方取經:「陸永出名轉數快,我就相對慢少少,開工都會研究吓佢點解轉數咁快,我覺得某程度係天生嘅,自己都會訓練自己轉數快啲,同佢合作完都都有進步嘅。」
場地:九龍東皇冠假日酒店
髮型:Steve@Hair
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。