各有家室 蔣祖曼黃智賢談情唔尷尬

2019年09月28日 22:38
東網電視
更多新聞短片
黃智賢與蔣祖曼為無綫新劇《逆天奇案》開工。
藝人黃智賢(Ben)與蔣祖曼日前為無綫新劇《逆天奇案》拍外景,講述兩人以盛裝出席朋友婚禮時一見鍾情並展開戀情。飾演律師的祖曼表示今次合作非常愉快及順利,但初時有點擔心,她解釋:「今次係我第一次做律師,平時睇劇見到律師有好多對白,用字又要好精準,好在劇本出得好齊,畀我有足夠時間去準備同熟讀劇本。」
另外,祖曼在劇中有一場射箭戲,她稱獲公司安排上堂學射箭,令她受寵若驚。她在戲中跟Ben飾演一對,兩人同屬有家室之人,問到拍攝時會否感尷尬?祖曼坦言:「唔尷尬,我老公係做電影嘅幕後工作人員,佢識我嘅時候,我已經係演員,大家知道對方嘅工作性質。套劇講嘅感情好微妙,唔係好着重親密場面,但唔知最後會唔會有親熱場口,就算有都唔尷尬,大家都係專業,而且Ben好好人。」
至於Ben亦指跟祖曼合作舒服:「佢好清新又靚女,做戲好有潛質,希望我哋嘅組合畀到觀眾新鮮感同火花,我自己就覺得好正。」他稱兩人以文戲為主,但自己不乏查案捉賊的動作場面。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。