內地女星傳遭家暴分手　網民推測係佢

近年內地興起玩爆料預告，有是非緋聞唔會直接公開，通常都會畀啲貼士大家估吓邊位係主角，從而炒熱新聞。呢日網上傳出有位內地90後嘅小花因家暴分手，貼士就係過去曾經喺室內擔遮防偷拍，助理喺微信群組透露係因為佢塊面受咗傷，並暗示呢位小花受到家暴，仲有就係之前小花同男友好鍾意晒恩愛，不過近期都冇再見過佢哋咁做，最後補充小花7、8月拍咗個綜藝節目。

好多網民睇完呢幾個貼士後，都推測係1991年出世嘅鄭爽，佢為咗同粉絲交流，就同男友張恒創立「M77」手機程式，仲經常借機發文放閃，而且佢之前同男友一齊拍咗綜藝節目《女兒們的戀愛2》。綜合以上資料貼士都好似指向鄭爽，不過佢嘅粉絲代為澄清，話啱啱佢哋先至拍住拖去巴黎時裝周，希望大家唔好亂咁猜測！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。