《金》次大鑊!陸永被狐仙詛咒:嚟呃我肉體

20191002
東網電視
更多新聞短片
陸永呢個好老公盡顯魔性一面。
被喻為「神劇」的無綫劇《金宵大廈》,播出以來大受歡迎,除了主角李施嬅與陳山聰獲讚演得出色,多個單元包括高海寧的「鴉烏」、趙希洛及葉凱茵的「嬰」等都被激讚,明晚輪到另一極具爭議性、以「性交轉運」做題材的「金丁」!
組合農夫成員陸永在劇中的祖先因在金宵舞廳玩弄舞女,導致對方自殺,死前更求「狐仙」詛咒他代代得不到真愛,但另一半離開他們後卻會釣得「金龜」。詛咒直到陸永這一代仍具效力,不少女士都拜託他「性交轉運」,因此被封為「金丁」。無法有真愛的他生活並不開心,性格變得古怪鹹濕,之前的單元故事已交代他幫襯鳳姐,又對鄧佩儀化身的公仔Mary心心眼。最後,陸永舊愛譚凱琪(Zoie)希望他幫自己嫁個有錢人,兩人於是發生關係,但發覺愛上對方,在愛情與魔咒之間掙扎。
床戰譚凱琪嫌唔夠激
角色享盡艷福看似令人羨慕,陸永接受東網電話訪問時笑說:「唔係咁正㗎咋!搵得人轉運嘅女士通常都……咩啦!有啲對手將近60歲!其實我個角色係好慘,個個都嚟『呃』我肉體,我自己反而未知,搞到我好迷失。(戲入面同幾多個對手有床戲?)無數咁多個,但只係喺床度冚住張被。(同Zoie床戲會激啲?)我嫌唔夠激喇!電視尺度丫嘛。(事前同太太備案?)梗係有!(佢有冇介意?)唔會啦!拍戲唔通殺人真係殺人咩?」講到多個單元故事甚受歡迎,陸永表示沒有壓力,相信監製及編審的功力,又讚他們選角大膽:「現實嘅性交轉運多數係呃人,但我呢個角色係畀人呃,仲要搵我做喎!我要畀人騙色喎!你話幾咁大膽!」對於TVB有意開拍續集,陸永舉腳贊成,希望可繼續參演。
現實使老婆做「咕喱」
戲中的陸永多女圍,戲外則與太太Reina十分恩愛,日前下午5時許,兩公婆撇下兩個可愛女兒,拍拖前往九龍城買東西。起初見陸永陪老婆到街市,但逛了一會竟掉低對方,孖男友人買涼茶「降火」,還邊行邊飲,完全沒有意欲返轉頭幫老婆手,出名錫老婆的陸永竟然要老婆做「咕喱」!見Reina一袋二袋步出,自行將戰利品搬上座駕,並親自駕車離開,至於一直沒有出力的陸永則坐男友人座駕走人。
--------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。