偷窺歐陽巧瑩　馬貫東做變態佬好好玩

藝人馬貫東憑住劇集《愛．回家之開心速遞》「博士」一角而成功入屋，入面飾演好好先生嘅佢，吸納唔少粉絲。近日佢喺劇集《金宵大廈》飾演宅男「李家俊」，經常偷窺「Mia」歐陽巧瑩，令人心寒，佢話今次係首次演變態角色，更直呼好好玩：「因為編審同監製都畀咗好多資訊我，解釋李家俊係一個點嘅人，但呢個角色都幾難演，喺現實生活中受好多不公平對待，所以要喺網絡世界做打手，攻擊Mia。」

今次擺脫過往乖乖仔形象，馬貫東話粉絲們都好滿意表現，但反而自己就覺得麻麻：「可以做得好啲，因為呢類型角色係比較少做，我自己覺得做得唔係咁好，所以會繼續努力，希望日後可以再試多啲嘢！」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。