陸浩明遊日孖羊仔合照　網友嗌睇到心寒

藝人陸浩明（6號）日前孖父母同埋女友陳詩欣（Ayan）一齊去日本旅行，呢日佢哋就去咗九州嘅高千穗牧場，親親羊咩咩。6號分享咗兩張同羊仔嘅合照，見到第一張相佢同四隻羊一齊望住鏡頭，個樣仲相當得戚；而另一張相就只得兩隻羊，並只得一隻望鏡頭。

6號同大家分享背後嘅故事：「話說女友影完相後，我一睇：『如果有多啲羊望鏡頭就再好啲....』Ayan：『 我有辦法！』」之後Ayan出手幫佢P相，複製多咗三隻羊出嚟，認真犀利，唔怪得6號都讚：「你真係最聰明......?」不過有網友就話見到張相入面咁多隻羊望鏡頭，唔知點解個心寒咗一寒，亦有網友話：「可能平行時空入面，真係有咁多隻羊望鏡頭呢！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。