新人施匡翹點解自比初榨橄欖油？

新進歌手施匡翹（Zaina）到電台宣傳首隻派台歌《初心》，透露歌曲叫大家努力追尋夢想，她亦覺人生就像橄欖油：「我依家係新人，好似初榨橄欖油咁，好有清新感覺，而橄欖油又有用，可以整沙律，我都希望啲歌有用，可以帶畀人開心嘅感覺。」她又提到MV有少許戀愛感覺，與男主角扮演情侶，而當中亦有小朋友飾演兩人的童年版，小朋友更是同門歌手蔣嘉瑩的兒子及其同學，現就讀幼兒教育的她表示跟小朋友相處沒有難度，知道如何氹小朋友。

她又透露拍攝期間有驚險一幕：「因為要拍我同男主角擦身而過嘅畫面，但喺馬路路中心拍，有啲車經過，導演又好似唔理紅綠燈咁，就咁樣喺度拍，好危險咁樣，但拍出嚟都好有韓劇feel。」她又透露歌詞是詞人為她度身訂造，希望帶給大家正能量的感覺，朋友聽完都大讚好聽。

--------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。