頭暈嘔吐!周勵淇頸椎移位缺氧險中風

20191005
東網電視
更多新聞短片
要快啲好番呀!
藝人周勵淇(Niki)新婚不久,已忙於拍內地古裝劇,早前因天氣炎熱中暑,令她在炎夏拍古裝感到怕怕,揚言可能是最後一套古裝劇。未料不到兩個月,Niki身體又響起警號,她拍劇時不停頭痛、頭暈兼想嘔,又完全不明病因,令老公傅浤鳴十分擔心,隨即陪同她返港求醫。
睇完醫生,Niki表示聽得醫生講述病情時被嚇親:「醫生話我頸椎中間嗰節變咗形突咗出來,搞到個人缺氧,所以成日頭痛頭暈,頸椎會影響好多器官,好彩及時發現,咁嘅情況嚴重起嚟會中風,我聽到嚇死!(點解會頸椎移位?)應該係拍古裝個髮髻太重,加上以前拍打戲有舊患,之後睡姿又有問題,低頭睇手機同長期勞損引起,有時拍戲太攰喺車度瞓都有影響。」
Niki慶幸劇集剛殺青,會全力配合治療:「雖然唔使住院,但要長期做物理治療,同埋多做運動,依家一有時間就去做運動,希望快啲好番。」
--------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。