見證蔣祖曼黃智賢談情!鄺潔楹專做電燈膽

2019年10月05日 22:00
東網電視
更多新聞短片
鄺潔楹今次喺新劇入面做蔣祖曼同黃智賢嘅電燈膽!
藝人鄺潔楹(Judy)今早與黃智賢(Ben)和蔣祖曼等在上環為無綫新劇《逆天奇案》開工,劇情交代蔣祖曼獲追求者送花,對她有意的Ben看在眼裏不是味兒,不過「第三者」卻不只一個,事關扮演蔣祖曼閨蜜的Judy經常當「電燈膽」,見證二人的感情起伏。
唔鍾意正式相睇
Judy受訪時打趣稱現實生活中亦經常「穿插」在戀人朋友當中,又直言曾有朋友當紅娘,製造機會讓她與舊愛復合,搞到她嬲爆走人冇面畀,場面尷尬!她說:「幾喜歡同拍緊拖嘅朋友一齊,因為我係催化劑,見證佢哋嘅感情。(佢哋介紹男友畀妳?)我唔鍾意正式相睇,覺得好尷尬,試過有次我前男友想同我復合,有朋友幫佢約我,原本我滿心歡喜出去敍舊,見到咁嘅情形即走!」
大把追女撒手鐧
Ben今次與蔣祖曼「談情」,因相就拍攝經常「空越時空」,Ben笑說:「呢日拍我哋分手,翌日又拍我追佢,之前有場鬧交戲,拍到好似MV咁好靚。」劇中他不時出動「追女撒手鐧」:「其實我仲有貨,編劇覺得夠啫!(同太太有咩難忘事?)拍拖時有次8號風球,我孭起佢等佢唔好全身濕,佢每次講起都陰陰嘴笑。」蔣祖曼聞言即「投訴」老公:「我諗我孭佢就有份,我哋拍拖淨係記得佢好好笑,佢好鍾意笑我。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。