參加慈善跑！李莉擺烏龍跑多幾公里

藝人李莉（Lily）本身是田徑教練，昨晨她以大使身份獲邀參加慈善跑，同場有組合天堂鳥、藝人莫家淦（Keith）等，Lily笑說：「最搞笑係我哋藝人組係跑三公里，但我哋跑多咗，我同阿Keith差不多平頭跑，但覺得跑咗咁耐，點解仲未見到三公里嗰個折返指示，覺得唔對路，咁啱經過補水站就問工作人員，佢哋話：『吓！過咗好耐喎！』咁我哋咪即刻掉頭，因為天堂鳥兩個成員喺我哋更前，但大家又冇拎電話，冇得通知佢哋。」

結果她同Keith跑了至少五公里，而Tyrese、Lincoln就跑咗七公里，反而鄧穎芝同Gordon好醒跑啱。Lily笑說：「大家都講笑話大家係大頭蝦，不過好開心嘅，大家為慈善都冇所謂。」此外，去年她曾報讀演藝學院的初級演藝課程，今年則報讀中級課程，11月就正式開課。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。