催蕭正楠黃翠如造人！曹永廉：都係幾秒啫

藝人蕭正楠與曹永廉為無綫新劇《愛美麗狂想曲》開工，阿廉透露待劇集日內煞科便放假休息，在旁的阿蕭即串爆他：「冇嘢撈就冇嘢撈啦，放假！」令阿廉不懂招架，笑指稍後會進行身體檢查：「呢排拍劇成日對住阿蕭，硬係覺得心臟唔係幾妥。（帶埋阿蕭去驗？）今次唔會啦！」阿蕭即爆料說：「佢去驗大腸，唔使喇！」而阿蕭被問到會否趁機與太太黃翠如造人？他表示太太也忙於為新劇開工，故應未能配合，阿廉則入位指阿蕭要睇醫生：「其實造人都係幾秒啫，趁後生快啲，你都40幾歲人啦！」

對於黃翠如與拍檔洪永城的節目即將播出，阿蕭笑指會捧太太場，順便?實對方可有蝦太太，問到會否效法二人拍攝相識10周年的節目？阿廉聞言秒回：「過到先算啦！哈哈！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。