周嘉洛24歲生日愛回家　單立文晒「全家福」

憑處境劇《愛‧回家之開心速遞》「金城安」一角入晒屋嘅藝人周嘉洛，昨日（7日）24歲生日，劇中一眾拍檔紛紛喺社交網晒出合照，送上生日祝福。劇中飾演佢叔公「熊樹仁」嘅單立文，就晒出「熊家」合照，並留言：「我哋偉大嘅嘉洛哥生日，無論點都要同佢慶祝一下，祝福你身體健康，幸福平安，活潑佻脫，胃口極佳，Happy Birthday。」

至於暫別劇組嘅好友「博士」馬貫東，就甫出同周嘉洛嘅做gym合照，當中見嘉洛以背心上陣，勁騷粗壯手臂，認真「肌」味濃！而「池子孝」阮政峰就上載同嘉洛影相時「撻Q」嘅失敗照片，笑言要「攬炒」贈興：「近年大家都興攬炒，這次就來一張《炒照》吧！老老土土來一句『生日快樂』就算了，其他祝福語我『細細地 講你聽』。」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。