黑到冇朋友!馮盈盈試過摸頂入市買樓

2019年10月09日 20:10
東網電視
更多新聞短片
有冇咁黑呀?
藝人馮盈盈到將軍澳電視城錄影節目《娛樂大家》,她自認玩遊戲勁差:「雖然我玩遊戲全情投入,但結果都係麻麻,試玩咗幾鋪去到邊輸到邊!我知道要上嚟玩狼人殺,都有同男友寶寶練習,但都係輸!(因為你唔識講大話?)係呀!我係誠實小寶寶,做壞人好易畀人識穿,做好人多數幫到人,但有時都會幫錯!」
黑仔盈盈自嘲明燈,過大海賭錢也試過輸得一乾二淨:「最高紀錄輸三千蚊,我玩老虎機咋!可能係賭徒心態,成日覺得下一鋪會贏。(投資嗰啲呢?)投資涉及風險我都好謹慎,不過房地產方面我舊年十二月成功摸頂入市,真係好黑㗎!(帳面蝕咗幾多?)暫時因為印花稅關係,仲未知道蝕幾多。(寶寶有冇怕咗你?)我有提醒身邊朋友,有咩想買記得買我對家,但贏咗最好分番啲畀我!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。