冇諗復合!狄以達唔敢再約陳曉華

20191010
東網電視
更多新聞短片
唔通真係此情不再...?
藝人狄以達今日現身新城電台受訪,大談生意經,他指剛於旺角開了第3間舞蹈學校:「開咗都有1個月。(之前學校火燭?)九龍灣店,但冇事啦!用咗1、2日修復就搞點。」講到現時市況不太好,課堂可有受影響?他坦言沒有:「我哋專教中、小學生,啲課程都係以學期咁計,其實經濟好我哋都唔太會受惠。不過3間學校旺角、九龍灣同將軍澳,都係啲高峰險地區,會擔心學生出入、車程問題都有Cut堂,所以都有諗喺Online做多啲,例如拍啲課堂片,畀佢哋喺屋企跟住嚟學。」續指覺得跳舞可以幫助年輕人暫時放鬆心情、放低周邊事物:「見到啲唔開心嘅學生,都會做吓心靈輔導。」
計劃於元朗或屯門開分校
至於定期的公開舞蹈活動,狄以達笑言有多次都差點要取消,不過最後都有驚無險地如常舉行:「有啲商場好好,冇講實會租用都會照借,畀啲學生表演。」他表示之後都想於元朗或屯門開學校:「先要處理行政同人手問題,感恩有好多前學生返嚟做導師,自己都少教,如果教埋就好難分身。」而本身想於6、7月推出新歌的他,都決定延期下年:「依家唔係太適合,自己都唔太心急做。」
冇諗同陳曉華復合
講到早前被影到跟前度、港姐冠軍陳曉華(Hera)撐枱腳,狄以達大叫黑仔:「依家唔敢再約啦,唯一一次都畀人影到!(私下仲有聯絡?)有Message,大家都有班共同朋友。(Hera有嚟學跳舞?)冇。(定私人授教?)冇,以前都有開班教Artist,依家少咗。(翻撻?)冇諗咁多,依家淨係諗旺角、九龍灣同將軍澳(分校)。(將軍澳咪啱囉。)都難。(難追?)係學校難管理,哈哈!」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。