雯雯發功　狂晒合照提醒Steven「三人行」

藝人張致恒（Steven）同老婆雯雯不時喺社交網分享囝囝「天寶」嘅成長點滴，日前天寶滿六個月，Steven就大晒一家三口合照，溫馨滿瀉！

未知係咪見囝囝半歲大有感而發，呢日雯雯就晒出同Steven拍拖時期嘅甜蜜合照，坦言榮升人妻後再次重溫舊照有另一番體會：「結左婚已經有個幾月，身份唔同咗..睇番拍拖啲相，原來感覺真係好特別。拍拖嘅時候所有嘢都好青春，雖然結咗婚唔係好耐，但一切已經好似好老咁，再加上有咗小朋友，已經冇可能再有好sweet嘅拍拖生活。但我喜歡依家嘅生活，可以組織一個家庭和照顧一個小朋友成長其實係好幸福。今次應該係我唯一一次放我哋嘅合照，因為我哋以後影相都會係三個人。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。