護好姊妹　Aka帶情傷Cheronna拜姻緣石

歌手趙慧珊（Aka）出席心臟健康日活動，透露獲悉多做運動有助增生血管及加速血液循環，故平日也習慣跑步及健身，她說：「聽聞食得多飯會影響心臟，媽咪係飯桶，我就唔畀佢食飯，但問咗醫生原來冇根據，搞到覺得自己好唔啱。」

問到可有關心隊友Cheronna失戀的心？Aka指對方心情已比之前好：「其實我哋都知道咗一段時間，前兩日做嘢見佢都收拾得7788，班姊妹同公司同事都支持佢，之前佢當然傷心，有陪佢傾偈，但依家佢都冇乜提呢件事，正常番又冇特別問。（佢同DJ阿檸係咪拍拖？）一定唔係，我哋知嘅。」Cheronna可有新戀情？Aka笑指有意帶對方拜姻緣石，但實情自己亦想去，故用姊妹為借口。

Aka更透露明日將出發韓國深造舞藝，今日預計用5位數字，於當地逗留個多星期，每日密集式上堂，其他時間就會跟隨兩位當地好友四圍遊覽。