馬浚偉演唱會場次作調動 部分周末場改平日

20191014
東網電視
更多新聞短片
馬浚偉希望粉絲睇騷時輕輕鬆鬆。
藝人馬浚偉原定10月24至27日及11月1至3日在演藝學院香港賽馬會演藝劇院舉行演唱會,昨日主辦單位在社交平台張貼改期特別通知,因鑑於目前社會環境的不能預測因素,有可能會影響觀眾往返演唱會場地,經與場地及製作單位商討後,所以作出一些場次的更改,將當中四場在周六、日的場次,改到平日舉行,有三場則不變。如因演唱會改期而未能觀看演出之觀眾,大會可作退款安排。有觀眾都感謝主辦的貼心安排,因為都煩惱緊當天的交通問題,但有粉絲特別買了馬浚偉26號生日那一場飛,如今大表失望。
馬浚偉回覆東網說:「我非常之認同主辦單位改期呢個安排,我好明白依家社會氣氛同埋佢哋改期原因,最主要考慮觀眾嘅方便同安全,我知道改期之後對買咗飛嘅觀眾有少少手續上嘅麻煩,可能要換日子,或者要調整時間,有fans喺外國係特登飛過來睇,佢哋都有留言點都會支持,我都好感動,真係多謝買咗飛同準備買飛嘅朋友。」
他續說:「如果佢哋有擔心,千祈唔好勉強,我完全明白,所以真係要強調無論我嘅fans或好想支持我嘅朋友,最緊要根據自己嘅因素去考慮,唔好擔心我嘅感受,我係點樣都咁開心嘅,對我嚟講邊日做都係一樣,喺我立場我哋做得個騷出嚟,一定盡全力,希望用最多歡樂、溫暖畀入場嘅觀眾,等佢哋喺兩個半鐘頭可以輕輕鬆鬆、開開心心過一晚,就算得一個觀眾嚟,我哋都會畀心機去唱,都係咁認真用心做好呢7場騷。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。