高海寧笑好食好住 楊明自爆肥咗10磅

2019年10月15日 18:30
東網電視
更多新聞短片
一個就肥咗,一個就瘦咗!
藝人高海寧及楊明因拍攝劇集《婚姻合伙人》與黃淑儀相熟。黃淑儀主持全新飲食節目,二人抽空撐場,台上高海寧更透露:「拍劇期間佢日日都準備靚湯、美食返嚟宴客,日日舖滿成枱面。嗰時咁啱楊明生日,佢仲親手焗個蛋糕返嚟。」
事後受訪,楊明坦言收到蛋榚感動到眼濕濕,雖然自己不好甜食,仍然覺得溫暖。他被高海寧取笑「好食好住」所以胖了,楊明靦覥謂:「肥咗10磅,自己食飯唔健康食物,又去咗馬來西亞旅行。(女友谷肥妳?)唔關佢事,係我自己忍唔到口,不過我點肥佢都覺得我有型!」談到其湯水店生意,楊明表示:「3間店計埋都係蝕嘅,冇辦法,因為市場氣氛,依家淨係希望快啲回復平靜。(減價促銷?)我哋已走低價路線,惟有喺食材方面再改進吸引顧客。(叫業主減租?)努力緊,其實荔枝角店已經減租20%,其他嘅我哋希望再傾啦。」高海寧近日減肥成功獲讚,她表示最近飲食回復正常,不過有保持做運動,不想反彈。
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。