唱歌有壽命　麥潔文：趁仲唱到就想唱多啲

歌手麥潔文（Kitman）在麥花臣場館舉行演唱會，騷後接受訪問，大呻一場不夠喉，希望明年再開騷：「有場地就唱，因為唱歌有壽命，趁仲唱到就想唱多啲。（之前老公江華唔畀你唱，要你湊仔？）有段時間係嘅，因為小朋友細，佢又要做嘢，所以我就要留喺屋企照顧小朋友，不過依家佢哋大晒，所以我可以出嚟唱歌。」

講到與囡囡合唱，她表示囡囡正讀書，放假可以來唱歌，覺得囡囡都有遺傳自己唱歌天分：「希望佢繼續努力，我都會執下佢嘅。（佢有興趣入行？）佢鍾意表演同唱歌，但又唔係虛榮想做歌手，只係希望唱歌同創作，不過佢依家仲讀緊書。」講到老公江華做嘉賓，被觀眾大讚靚仔，她笑言：「咁咪好囉！（會呷醋？）唔呷醋，我都唔執輸㗎！」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。