羅天宇撐張彥博開騷　原來有私心？

藝人羅天宇（Joey）日前與《跳躍生命線》嘅好兄弟、郭子豪同何廣沛，齊齊為張彥博擔任演唱會嘉賓。Joey指除咗以行動支持兄弟外，更自爆今次演出有私心：「因為細個好鍾意睇男子組合，覺得佢哋好有型，而依家我哋有隊F4組合，希望可以做到同佢哋一樣咁有型。」

Joey又表示今次喺阿博個演唱會特意加入新元素：「我提議不如試吓唱跳，好似啲男子組合咁，因為我哋未試過，而事前郭子豪亦喺網上問過大家想聽咩歌，最後我哋就揀咗《霍元甲》呢首歌。呢首歌都幾難，因為要rap又要跳，有啲位都唔夠氣，都用咗成個月排練，幸好最尾出嚟個效果反應都好好，我哋都有好大滿足感。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。