合作31年勁長情!汪明荃攻入馬國賣床褥

20191017
東網電視
更多新聞短片
汪明荃同海馬已經合作31年。
汪明荃(阿姐)在西貢清水灣片廠為海馬牌床褥拍攝床褥、枕頭新一輯廣告,海馬集團主席鄔友正與太太翁嘉穗亦前來探班支持。阿姐擔任海馬牌代言人已經31年,她對翁嘉穗笑說:「耐過你哋結婚呀,幾長情。」
阿姐指海馬牌是她合作得最耐的品牌,問到是否年年有人工加?她笑說:「少少啦,今次拍多一條新嘅廣告片,諗住打開馬來西亞市場,拍攝床褥、枕頭呢兩個產品。」
問到阿姐海馬牌可有邀請她與羅家英一起拍廣告?她說:「暫時未,諗吓先,佢都好多廣告,佢嗰啲就搞笑啲。」
阿姐認真魄力十足,早前剛完成西九粵劇演出,近日又不時到新加坡工作,問到甚麼時候再去旅行休息一下?她笑說:「又去旅行,有工開好難得,年紀再大啲就做唔到,下星期要錄影《娛樂大家》,月尾喺新光會做三日《帝女花》。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。