介意似鬼妹！李若彤冇諗過演古裝扮小龍女

凍齡美魔女李若彤保養得宜，話佢52歲真係冇人信！由細靚到大嘅佢，於1995年經典武俠小說《神鵰俠侶》中飾演小龍女最深入民心，更被譽為「最美小龍女」，冇一個女星取代到李若彤呢一份仙氣！

但係李若彤從來冇諗過自己會擔當呢個角色，原來從小就被人話擁有外國人輪廓，亦因為咁曾經耿耿於懷，佢喺微博發文：「這張工作人員偷偷拍下的照片，讓我想起自己從小就被很多人說像外國人輪廓，那時候還有些介意，卻想不到後來有一天能演古裝扮小龍女，自此一路演了許多古裝角色，說起來真的要謝謝《神鵰俠侶》的監製。」​​​

去年李若彤為拍廣告再度「小龍女」上身，相隔23年仙氣依然，不食人間煙火嘅氣質，一滴都冇少過！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。