邱晴有個年輕靚媽：啲人唔信我哋係母女

藝人邱晴媽咪本月17日生日，除了食飯慶生，邱晴並送上自製美人魚蛋糕賀壽，認真抵錫。她說：「媽咪話覺得自己開始年紀大，唔想過生日，想平平淡淡咁過，所以冇乜特別慶祝，只係普通一家人食飯。（送咗咩禮物畀媽咪？）我之前行街嘅時候買咗一個頸部按摩器畀媽咪做生日禮物，因為佢好鍾意揼骨，我試完覺得好正，所以就買咗畀佢。」

整生日蛋糕雙手染藍

講到手製蛋糕，她是返工前特別去學整，還弄得雙手染了藍色，她對蛋糕賣相十分滿意，至於好味與否就因人喜好，不過，媽咪見到蛋糕的時候好開心，整個吃掉後大讚好味。

邱媽媽年輕貌美，兩母女像兩姊妹一樣，邱晴坦言很多人都讚對方靚女：「啲人話媽咪靚過我，佢啲朋友見到我，佢哋都好愕然，估唔到媽咪有個咁大嘅女，仲要咁高大，有啲人唔信我哋係兩母女，佢哋以為我哋係朋友或者兩姊妹，連我媽咪識咗好耐嘅朋友都唔相信我係佢個女。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。