Dry咗一年　黃榕勁愛大肌男齊齊玩心口

藝人黃榕近年愛上健身，早前參加健美比賽練到一身肌肉，昨晚為好友許嘉浩慈善生日會擔任時裝模特兒，表示識對方十年，首次為他行騷，笑言因為自己太矮，已應要求着最性感的晚裝，但依然冇咩睇頭，她說：「之前比賽時要練肌肉，依家已經肥番5公斤，但上圍都係跌咗兩個cup。（有冇辦法唔跌cup？）我都想瘦人唔瘦胸，但冇囉。」問到周身肌肉會否嚇怕啲男士追求？她說:「唔會，好多人鍾意女仔有肌肉，我社交網反而多咗好多肌肉男follow。（會否主動出繫反追佢哋？）女仔唔可以咁主動，我之前男友係健身教練，可惜已分咗手一年，我鍾意超大隻肌肉男，瞓喺佢胸前，撓住佢哋手瓜嘅好有滿足感。（一年冇拍拖？）係Dry咗一年。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。