郎朗孖索妻上真人騷 忘情喪啜堅過偶像劇

20191019
東網電視
更多新聞短片
明嘅……新婚吖嘛!
國際知名中國鋼琴家郎朗今年6月娶翻版古力娜扎之稱的德韓混血兒Gina Alice(吉娜愛麗絲),點知結婚兩個月就發生咗「機場行李」一戰,因為郎朗雙手插袋、Gina Alice負責拎行李,搞到網民係咁指摘郎朗冇風度,點知一轉頭,佢哋兩個就Join咗個大陸夫妻真人騷《幸福三重奏》,仲狂喺鏡頭前面晒恩愛,煙韌程度爆晒燈,嚇到網友都笑佢哋「營業過度」!
有網友笑言睇完節目後,發現之前係「誤會」郎朗,因為Gina Alice太愛郎朗,根本就唔畀郎朗做嘢,搶住執行李、拎行李之餘,佢仲錫到郎朗燶,似足粉絲見到偶像咁款,崇拜樣出晒嚟,連下廚煮飯都唔舍得老公做,郎朗多次想搶嘢做,都被Gina Alice給拒絕。唔止咁,Gina Alice更加冧到爆多次喪啜老公面珠,一見到郎朗就好似想飛撲埋去咁,左錫右錫,好在郎朗久不久都會畀啲回應攬攬老婆,畫面真係好似睇緊廿年前啲偶像劇劇情咁,真係煙韌到骨痹!!
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。