命中注定!趙薇自爆三次推演「金像影后」作

2019年10月19日 13:12
東網電視
更多新聞短片
係你嘅就係你!
大陸女星趙薇最近為真人騷《演員請就位》擔任導師,佢自爆當年曾三次拒絕導演陳可辛邀請出演電影《親愛的》,但最終趙薇憑呢套戲農村婦女李紅琴一角奪得金像獎最佳女主角!
趙薇表示拍攝陳可辛嘅戲一直係佢願望,但返屋企睇完劇本後打電話同對方講「演不了」!陳導就問佢想演邊個角色,佢就話想演黃渤老婆,但對方堅持想佢演農村婦女,趙薇就覺得:「太有距離了!」所以推咗,但陳導再三搵佢,趙薇就坦言:「我無非就是怕丟臉!」又怕觀眾睇完會話佢演得唔好,佢直言就係被名譽所累!不過有一日,佢就好衝動打畀陳導話:「我來演了!」笑言即刻收線,亦冇後悔藥可以食!
之後佢就睇咗好多遺棄小孩嘅紀錄片揣摩角色,結果過咗大約8日佢打畀陳導,表示終於搵到感覺點去演,最終佢仲攞埋金像影后,真係命中注定!
--------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。