恨搵獸醫男友!陳彥行使10萬幫愛犬裝義眼

20191019
東網電視
更多新聞短片
陳彥行喺內地收養咗3隻狗狗。
藝人陳彥行、李日朗和龐景峰到九展出席寵物展活動。陳彥行帶同3隻穿上一式一樣靚裙的愛犬到場,樣子萌爆。談到養狗狗的支出,她坦言:「最貴係醫藥費,事關佢哋3個都係『北方佳麗』,我係喺內地收養返嚟嘅,其中一隻眼有問題,睇醫生之餘仲要做手術,幫佢裝咗隻義眼,冇10萬都用咗8萬。」她笑言自己驚青:「唔好講狗仔病,我自己病都即刻去睇醫生,唔想拖。(之前話想搵獸醫男友?)仲未有聲氣,最好畀我搵到個醫生老公、獸醫男友啦。」
李日朗今次則幫女友睇檔,並且設計3款環保袋,作慈善義賣,所得收益會捐給寵物機構。談到今次設計:「係以我3隻愛貓做主題,限量300個,但我掛住同到場嘅寵物玩,只係賣出十幾個,今日收起心情,一朝賣出50個。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。