點解有得擔正？張加慧竟然靠呢樣嘢

藝人張加慧早前與敖嘉年和導演李潤祺上節目《Big Boys Club》接受訪問，三人最近合作舞台劇，主持人范振鋒問李潤祺為何會找加慧擔任女主角，李潤祺說：「加慧平時講嘢個節奏同語調都幾似50年代嘅人，所以可以慳番好多時間去訓練。」講到加慧及李潤祺何時結緣？兩人直言相當搞笑，加慧說：「幾年前導演要做一齣舞台劇，當時有位女演員喺演出前三個星期發現大肚，冇辦法演出，要臨時搵人頂上，劇中其中一位演員就推薦我畀阿祺，之後一直都有合作，我講笑話因為我到依家都仲未大肚、冇結婚、冇拖拍，所以有得做女主角！哈哈！」聽到加慧如此Dry，主持陳國峰更叫她即場招親。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。