攬網紅慶牛一　周沛言27歲生日多人撐

藝人周沛言（Priscilla）日前27歲生日，舉行生日派對，獲多位網紅好姊妹及粉絲到場祝賀，佢話：「特別想多謝我一班好姊妹，好感恩喺我人生當中認識到佢哋，我哋試過鬧交後和好，亦一齊經歷過工作低潮，好多謝佢哋一直包容，接受我所有缺點，亦幫助我慢慢改變自己。所以今年嘅生日願望，除咗想新一年工作上有不同嘅新挑戰，以及家人身體健康外，亦希望同呢班好姊妹嘅友誼之路，可以一直行落去。」

至於講到日前為好友許嘉浩的時裝騷擔任模特兒，佢坦言係一大突破：「我未試過行catwalk show，特別緊張，因為自己有少少微胖身形，好彩出嚟效果都唔錯，咁啱嗰日係我正日生日，所以對我嚟講都係一個幾難忘嘅生日體驗。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。