等「BB」出世!阮兆祥準備做新手爸爸

20191021
東網電視
更多新聞短片
恭喜晒~
將於本周五(25日)假旺角麥花臣場館開騷的阮兆祥(祥仔),今日到九龍灣與樂隊綵排,自言心情期待的他,比喻自己為新手爸爸,正準備迎接「BB」出世:「明知係仔嚟,但唔知佢係咩樣。籌備咗好耐,唔知啱唔啱觀眾口味,到依家監製都未同我講個舞台設計,淨係話會有3個機關,要開騷前一日踩台先知。」現時可有養聲?他講笑話:「有養鬼仔!我係指有助養外國小朋友,當然有(養聲),依家少講嘢為妙,講嘢係最傷聲。」
王祖藍送咪
祥仔指今次開騷,獲四方八面的朋友以不同渠道支持,令他非常感動:「有買飛、買唱片同捐錢,今次開騷謝絕花籃,後台會有個慈善籌款箱,仲有人送滴雞精、人參畀我。」至於老闆王祖藍,祥仔興奮拎出私家金咪「藍藍」說:「有日王祖藍專登送呢支咪、接收器畀我,份禮仲大過佢個人,真係好感謝佢咁支持我,呢支咪都價值不菲!」
擔心演唱會受影響
講到同期原先有蔡一傑、陳綺貞及馬浚偉開騷,頭兩者已因近日社會狀況而宣布取消個唱,而馬浚偉則將某幾場改期,問到可會擔心橫跨周末的演唱會不能如期舉行?祥仔坦言:「會擔心啲觀眾交通方面、會唔會安全,不過麥花臣應該會好少少,唔係對正彌敦道,又有小巴、巴士,都有諗過星期五嗰場好唔好提早,但啲Fans又未放工,上天自然有最好安排。(會有Plan B?)當然有,但唔希望用到,啲Fans一番心意咁早買定飛,改期未必夾到時間。」續指或會邀請蔡一傑來睇騷:「雖然同期開騷睇落似競爭,但都係朋友,會互相支持,祝福佢哋盡快開番騷。」
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。