着小背心冇仔?！陳曉華嘆歐遊冇艷遇

前港姐陳曉華（Hera）現身無錢節目《娛樂大家》錄影，透露剛從土耳其旅遊返港，期間也有到巴黎和杜拜，但未有艷遇，她說：「當地人好熱情，買雪糕嗰個人同我玩，打到我個鼻好痛，不過好好玩。（着晒小背心都冇艷遇？）嗰度都好多人咁着，所以啲男仔掂行掂過，注定我出埠係冇艷遇。」

她表示今次與一對情侶同行，重點為該男性朋友慶生，自己則充當電燈膽：「佢哋都想我一齊去，唔係邊個幫佢哋揸相機影合照，個女仔係我閨蜜，之前選港姐時佢係提名人。」更指旅程間有穿泳衣浸水，由於增磅不少，故只敢穿一件頭泳衣，她說：「塊面同肚腩都肥咗，旅行嗰排日日食Pizza，返嚟要即刻減肥。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。